HABA Si PATok

Oleh Heri Iskandar

Jambo Politek Aneuk Nanggroe
–‐————‐————————————
Rabu, 31/12/2025 (Edisi 2411)

"Asli anco berantakan rencana malam thon baro kali nyoe Patok!"
"Dum nan ka Allah kirem bala kok manteng bicara malam thon baro?"
"Soal jih dari buleun siploh keluarga besar kamoe ka merencanakan bermalam thon baro di tepi Danau Laot Tawar Takengon!"
"Mesti jih Cut Lem bersyukor!"
"Nyan tetap terutama karna hana keluarga yang dime le ie raya!"
"Maksud lon tuan bersyukor karena ka terhindar dari bencana yang leubeh fatal."
"Bencana peu nyan..?"
"Seandai jih musibbah banjer baroe sa jeh teuka di saat Cut Lem sekeluarga teungeh di bineh Danau Laut Tawar kiban? Mungken uroe nyoe tanyoe dua hana meurumpok le karna Cut Lem ka terkubur di yub kaye yang menutupi Danau!"
"Kok broek that niet kah..?"
"Ken niet tapi nyan bukti Allah manteng memberi kesempatan Cut Lem tetap na di ateuh bumoe nyoe. Hana arti pesta thon baro dibandengkan rahmat yang ta terimong."
"Tapi ureung Aceh yang kaya-kaya tetap berlomba teubit dari Aceh untuk menikmati pergantian thon di luwa Aceh. Ka kalen manteng han putoh-putoh mota bak jalan menuju Medan."
"Paken teuma..?"
"Iri cit ta kalen gob bersenang-senang sementara tanyoe manteng berselemak ngen leuhop."
"Ta doakan manteng awak nyan selamat dan jaoh dari maksiat!"
"Pue yang ka ratoh nyan? Mesti jih awak yang senang meudoakan tanyoe yang tertimpa bencana. Kok malah ka balek kaset?"
"Lon yakin Allah sengaja geu kirem bala keu tanyoe  karena Allah Maha Tahu bahwa tanyoe mampu menghadapi takdir Ilahi."
"Nyan han ku bantah. Yang ku tanyeng paken malah tanyoe korban yang mendoakan ureung yang malah bersenang-senang  di saat bangsa rame yang menderita?"
"Mungken meunye bala yang tanyoe rasa menimpa awak nyan golom tente mampu dihadapi. Jadi bah awak nyan bersenang-senang segolom mendapat giliran merasakan pue yang tanyoe rasa di kesempatan yang laen."
"Lage nyan yang perle ka peugah bah leupie hate kuh bacut..!"
"Hane perle bersedeh Cut Lem. Mandum kana lam agenda Po. Padum ploh ge ka Allah bi kesempatan bersenang-senang di pergantian thon 2025 coba? Baro thon nyoe Allah gantoe ngen kesedihan masak ta tulak? Meunan cit ngen ureung laen, pada saat jih singeh segala piasan dunia akan berakhir. Jadi bah dinikmati dang-dang troek giliran awak nyan."
"Selaku manusia ku pike manusiawi na pikiran lage nyan!"
"Memang manusiawi tapi yang terkesan bak lon tuan Cut Lem menolak takdir. Cobalah istiqfar supaya han Allah kirem cobaan yang leubeh brat lom!"
"Astaghfirullah hal azim! Beutei cit yang kah peugah nyan. Pheh soh-soh bek na le bala susulan bagi tanyoe mandum!"

“Lage yang Waled peugah beuklam bahwa sehina-hina hamba adalah yang berburok sangka kepada Allah. Dan secelaka-lakanya ureung adalah yang merasa diri akan selamanya akan aman dari cobaan udep..!”

🙏Heri Iskandar
👉🏾Selamat menyongsong thon 2026 semoga membawa berkah. Singeh Haba Si Patok jeda siuroe. Insya Allah Jum’at, 2 Januari 2026 bersua balek..!

🔥 5 Artikel Terbanyak Dibaca Minggu Ini

Bencana dan Perubahan Persepsi Masyarakat Pascabencana

12 Jan 2026 • 155x dibaca (7 hari)

Sajadah yang Tertinggal di Seberang Lautan

21 Jan 2026 • 137x dibaca (7 hari)

Lomba Menulis Ulang Tahun Potret

16 Jan 2026 • 125x dibaca (7 hari)

Belajar di Saat Dunia Berguncang

9 Jan 2026 • 97x dibaca (7 hari)

Pengaruh Internet dan Gadgets Bagi Masyarakat Kita

12 Mar 2018 • 91x dibaca (7 hari)