HABA Si PATok

Oleh Heri Iskandar

Jambo Politek Aneuk Nanggroe
–‐————‐————————————
Minggu, 06/7/2025 (Edisi 2235)

"Gubernur tanyoe ka dipaksa memikol beban yang leubeh seru lom Patok!"
"Beban pue?"
"Bak ku kalen akan leubeh brat dari upaya merebot kembali peut boh pulou Aceh bak jaroe Batak."
"Beban pue nyan?"
"Rakyat Aceh mendesak supaya Blang Padang yang dikuasai TNI atawa Pangdam Iskandar Muda haros dikembalikan sebagai tanoh milik Mesjid Raya Baiturrahman."
"O nyan gampang Cut Lem. Hana perle sh'eh sh'oh, pasti dijok pulang!"
"Kok gampang that ka peugah gampang?"
"Keyakinan lon tuan meunan!"
 "Pue hana le ka turi awak Baje Ijo nyeh?"
"Jeut ta buktikan singeh!"
"Dasar ka peugah gampang pue coba..?"
"Selama Presiden, Menteri Keuangan dan Panglima TNI manteng dimat le ureung Islam insya Allah pasti bereh."
"Kiban cara bereh jih?"
"Mustahel awak nyan ditem merampas hak Mesjid untuk kepentingan yang laen."
"Troos..?"
"Hanya proses jih manteng yang perle wate siat terutama meunye Tanoh Lapang Blang Padang nyan ka tercatat sebagai aset negara."
"Dari sekian rame ureung yang meututoe, cuma kah sagai yang yakin Blang Padang han akan bermasalah."
"Memang hana masalah! Dari posisi kasus jih manteng ka jelas nyan tanoh milik MRB. Terlalu zalem meunye direbot le Pemerintah."
"Bek ile siat, kok ka roh MRB lom keunan? Soe nyan..?"
"Nyan singkatan Cut Lem, Mesjid Raya Baiturrahman!"
"Oo..!"
"Dari awai Blang Padang gleh dari kasus atau sengketa. Jadi Pak Gub hana perle meupake ngen Tentra."
"Bukti jih manteng awak nyan kuasai sampe uroe nyoe!"
"Yang lon tuan baca-baca pemanfaatan Blang Padang le Kodam Iskandar Muda baro terjadi pasca Sunami Aceh uroe jeh."
"Paken selama nyoe hana yang uroh?"
"Nyan na dua kemungkinan menurut lon tuan!"
"Kaci urai bacut perle kunak deunge siat!"
"Yang phon karna Blang Padang han jeut diolah menjadi proyek. Karna hana komisi untuk dibagi-bagi maka jih dibiarkan terlantar."
"Nyan memang ka akai pejabat tanyoe!"

“Yang kedua adalah, Pemda Aceh baro peduli wate ka dicok le gob. Syukor Alhamdulillah Tengku Zakir tanyoe hana lage Gubernur yang ka-ka, langsong digas..!”

🙏Heri Iskandar

🔥 5 Artikel Terbanyak Dibaca Minggu Ini

Perjamuan Kaum (Tidak) Kebagian

17 Feb 2026 • 74x dibaca (7 hari)

Sajadah yang Tertinggal di Seberang Lautan

21 Jan 2026 • 74x dibaca (7 hari)

Lomba Menulis Ulang Tahun Potret

16 Jan 2026 • 61x dibaca (7 hari)

Bencana dan Perubahan Persepsi Masyarakat Pascabencana

12 Jan 2026 • 58x dibaca (7 hari)

Muridnya Kenyang, Air Mata Gurunya Berlinang

26 Jan 2026 • 53x dibaca (7 hari)