Oleh Heri Iskandar
Jambo Politek Aneuk Nanggroe
–‐————‐————————————
Selasa, 07/10/2025 (Edisi 2324)
"RSUD Cut Mutia pat Patok?"
"Di Aceh Utara. Soe yang dirawat?"
"Ken urusan rawat!"
"Untuk pue cit?"
"Get that dipeumale Cut Mutia selaku Pahlawan Nasional dari Aceh oleh Pemda setempat!"
"Urusan pue nyan..?"
"Dokter dan perawat jih hana manusiawi sagai!"
"Terhadap soe? Saudara Cut Lem atau terhadap ngen tanyoe mantan kombatan?"
"Ka bayangkan pasien dipeu-eh di ateuh kasoe yang ka meu-ulat. Bahasa koran Belatung."
"O nyan nyee, teungeh viral di media. Berita jih ka troek keudeh u Jakarta bak Menteri Kesehatan."
"Pue gara-gara ureung gasien maka jih diperlakukan secara hana manusiawi lage nyan?"
"Nyan golom terpantau bak tanyoe. Mudah-mudahan cuma kelalaian ken karna standar pelayanan jih memang lage nyan!"
"Bek kan di Aceh daerah kaya raya, adak di Afrika yang gasien pih hana rumoh saket jorok lage nyan rupa!"
"Atawa anggaran jih kabeh disalah gunakan sehingga untuk perawatan ruangan manteng hana peng le."
"Masak kebrengsekan Rumoh Saket nyan hana troek info bak Jaksa ngen Polisi?"
"Bukti jih lage nyan!"
"Bit paleh..!"
"Tapi menurot lon tuan nyan leubeh disebabkan karna hana pengawasan serios dari Kepala Rumoh Saket dan Kepala Dinas jih!"
"Pue karna dokter yang berdinas di RSUD Cut Mutia leubeh sereng di Medan dari pada di Aceh?"
"Bisa jadi!"
"Lage dokter bak tanyoe atawa di RSUD Langsa gob peugah ken lage nyan cit, sampe-sampe na istilah rakyat dilarang saket di uroe Jum'at, Sabtu dan Minggu karna dokter dinak jak kalen Ma jih ideh di Medan!"
"Santai manteng Cut Lem, hana perle emosi lage nyan. Bek sampe rubah sira deng!"
"Gram that ku kalen. Hana arti manusia di mata awak nyan!"
"Adak pih gram nyan ken barang baro di Aceh. Bek gara-gara awak nyan tanyoe yang reubah karna darah tinggi!"
"Cuba ka kalen wajar han? Gaji peut amak dijok le pemerintah tapi lage nyan perlakuan jih terhadap rakyat Aceh.”
“Bisa cit yang teledor perawat jih. Yang seharos jih ranjang nyan ditet supaya bek jeut keu peunyaket kok malah disediakan untuk pasien?”
“Nyan pih saban. Yoh golom diangkat uroe jeh bersumpah setia akan melayani rakyat lage melayani ureung syik atawa keluarga jih.”
“Yoh goh memang lage nyan mandun Cut Lem. Wate di laot sapue pakat tapi wate ka diangkat menjadi PNS malah sibok ngen HP!”
“Pantas rakyat Aceh rela dipinjam peng rentenir untuk berobat u nanggroe gob. Di Rumoh Saket Aceh ureung ken puleh tapi malah mempercepat kematian..!”
🙏Heri Iskandar
