Oleh Heri Iskandar
Jambo Politek Aneuk Nanggroe
–‐————‐————————————
Sabtu, 19/4/2025 (Edisi 2160)
"Bang brewok kah pue ka dipeulaku lom nyan Patok? Kok hana pre-pre gob hujat di Mesos?"
"Soe yang Cut Lem maksud? Pak Surya Paloh ken..?"
"Hana hubungan ngen gob nyan!"
"Si brewok soe cit? Tengku Is Farlaky Bupati Aceh Timu nyeh..?"
"Hai soe laen teuma? Ya Gubernur kahlah!"
"O pue na masalah? Pue gara-gara mendinestikan Ibu Salmawati..?"
"Nyan salah saboh kecerobohan jih."
"Tapi get cit nyan Cut Lem!"
"Dari segi pue yang ka anggap get? Jatah kursi gob sengaja dicok untuk peu ek m'ong ureung inong jih kok nyan pulak yang ka anggap terhormat?"
"Setidak jih akan menyadarkan ureung Aceh bek leupah-leupah wate peugah haba."
"Pue urusan..?"
"Masak hana Cut Lem ingat kiban lipeh-lipeh bibi ureung tanyoe wate dihujat Jokowi ngen isu dinasti uroe jeh? Ternyata uroe nyoe ka lahe cit dinesti inoe bak tanyoe."
"Nyan keuh, kok han disaba-saba ile?"
"Pajan cit lom teungeh na kesempatan!"
"Tapi wate dihujat le rakyat dianggap lage si buntong kamo jaroe tanyoe yang emosi."
"Sifat Panglima Talam memang meunan. Pangkat tan gaji tan paken peu saket ule bak urusan gob?"
"Ka ta pileh wajeb ta jagalah. Tapi malah dipeulaku yang aneh-aneh. Kaci kalen bak Medsos macam-macam gob ulok-ulok."
"Anggap manteng sopir PMTOH baro belajar. Singeh careng keudroe wate ka sereng-sereng musibbah."
"Meunye meupate lam Lembah Geurute paki?"
"Nyan hana pue susah Cut Lem, na Pak Waki yang gantoe!"
"Meunye lage nyan ka peugah hom citlah. Ta nikmati mateng bersama-sama ta kalen di akhe pue yang terjadi?"
"Memang haros meunan sikap tanyoe selaku rakyat. Dan selaku penumpang meunan cit, beu kayem-kayem manteng berdoa supaya bek sampe ikot celaka."
"Ka bayangkanlah, di saat Gubernur Gub sibok urusan rakyat, Gubernur tanyoe malah dipusingkan urusan Partai."
"Pusing paken?"
"Ubena ureung abeh dipecat. Sekjen yang sukses mensiasati Pemilu 2024 hingga Partai PA kembali juara keuneng pecat cit!"
"Nyan bukti Cut Lem!"
"Bukti pue?"“Pangkat, jabatan, cinta, rupa dan harta hana yang abadi. Mandum nyan titipan sesaat..!”
🙏Heri Iskandar
🔥 5 Artikel Terbanyak Dibaca Minggu Ini
Gemerlap Aceh, Menelusuri Emperom dan Menyibak Goheng
18 Jun 2025 • 347x dibaca (7 hari)
Membuka Tabir Sejarah Kenegerian Manggeng dan Para Raja yang Pernah Berkuasa
27 Mar 2026 • 345x dibaca (7 hari)
Batu Gajah Hilang di Bate Iliek
23 Mar 2026 • 314x dibaca (7 hari)
Aceh Hijau atau Aceh Gundul?
12 Mar 2026 • 264x dibaca (7 hari)
Memutus Rantai Kemiskinan, Melawan Kufur Etika
20 Mar 2026 • 207x dibaca (7 hari)
ADVERTISEMENT
📝
Tanggung Jawab Konten
Seluruh isi dan opini dalam artikel ini merupakan tanggung jawab penulis.
Redaksi bertugas menyunting tulisan tanpa mengubah subtansi dan maksud yang ingin disampaikan.
