Oleh Heri Iskandar
Jambo Politek Aneuk Nanggroe
–‐————‐————————————
Selasa, 08/4/2025 (Edisi 2149)
"Isu Pak Ridwan dicre le Ibu Atalia beutei pue isu menurot kah Patok?"
"Pak Ridwan nyan soe Ibu Atalia nyan soe?"
"Inong Pak Ridwan Kamil, Atalia Praratya yang teungeh hot di media."
"Oo lon pike Tengku Wan tanyoe!"
"Masak berita Tengku Wan na lam koran?"
"Maka jih lon tuan bingong dari pajan beliau na Ibu baro bernama Atalia? Ureung inong gob nyan nan jih Bu Hindon!"
"Beutei pue isu kira-kira?"
"Yang lon teupue ken dilake cre."
"Pue cit? Pisah ranjang gara-gara ketahuan selingkuh?"
"Nyan rahasia awak nyan dua. Hana yang kalen kiban kejadian sesungguh jih di dalam rumoh gob."
"Yang kah baca bak koran kiban haba jih?"
"Inong Pak Kamil pernah diwawancara le wartawan kiban tanggapan beliau bahwa Pak RK rame penggemar dari golongan kaom hawa?"
"Troos..?"
"Mantan Ibu Gubernur Jawa Barat nyan janji pileh pisah dan akan merelakan Pak Kamil angkat koper meunye ketahuan selingkuh."
"Uroe nyoe ken ka ketahuan, kok hana menepati janji?"
"Nyan urusan gob Cut Lem. Mungken saja ka dimaafkan."
"Meunye nyan terjadi hebat cit!"
"Ibu-ibu pejabat pasti meuphom kiban urusan pejabat mita hiburan di luwa Pendopo. Lon pike ken cuma Pak RK sagai. Sayang jih beliau gagal menghapos jejak."
"Jejak pue? Karna ka terlanjor lahe aneuk bak selingkuh gob nyan nyeh?"
"Terlalu mulok berjanji kadang membuat aneuk gob berharap-harap."
"Haba ka lahe sideoe aneuk inong dari hasil hubungan senyap ngen model bahenol Lisa Mariana beutei ken?"
"Haba koran lage nyan."
"Paken teuma Bu Atalia manteng golom bertindak?"
"Mungken cit oleh Ibu Atalia manteng menganggap nyan isu."
"Meunye nyan isu paken teuma Pak RK menolak tes DNA?"
"Ken menolak tapi golom kadang. Pak RK nyan sidroe arsitek. Bisa jadi teungeh gerancang kiban bentuk kontruksi yang tepat supaya beliau bebas dari tuduhan berselingkuh ria."
"Nyan jawaban ku pateh karna rame yang hana menyangka na akai Buaya Darat bak ureung sekalem Pak Ridwan Kamil."
"Nyan salah rayek Cut Lem!"
"Pue jih yang salah..?"“Meunye ngen ata nyan bek peugah haba. Bek kan ureung yang cuma tampak alem lage Pak RK, ulama yang alem pih rame yang ka ret ija krong..!”
🙏Heri Iskandar
Baca Juga
