ADVERTISEMENT
Jambo Politek Aneuk Nanggroe
–‐————‐————————————
Jum’at, 16/5/2025 (Edisi 2187)
"Khatib Jum'at bunoe soe nyan Patok?"
"Pendakwah dari Aceh Utara!"
"Maksud jih beliau nyan mantan Jurkam atawa mantan Timses Tengku Manah tanyoe?"
"Nyan hom hana data bak lon tuan. Na yang mengganggu pikiran Cut Lem nyeh?"
"Kesan jih ken cuma pro tapi abeh-abesan membela Pak Gub Aceh."
"Bela kiban? Yang lon simak sampe abeh hana terucap kata-kata lage yang Cut Lem simpulkan!"
"Kiban ka peugah hana! Kah pih kukalen ka pro that blah deh akhe-akhe nyoe."
"Ka ta pileh ya wajeb ta jagalah. Cut Lem sendiri paken teuma ka lage sikap oposisi? Pahahai wate Pilkada uroe jeh rata ureung neu yue pileh Mualem. Paken akhe-akhe nyoe ka meulaen?"
"Saket that ate kuh! Kujak u kantoe jih keudeh u Banda Aceh han dibi meurumpok!"
"O nyan sama lage barisan saket hate terhadap Pak Jokowi! Tapi lon pike hana perle kecewa Cut Lem. Pue yang perle tinggai tuang manteng u dalam proposal, kadang cit ditem acc."
"Persetanlah. Nyoe manteng kaci peuteupat siat, kiban yang khatib maksudkan kok ka peugah gob nyan ken membela Tengku Manah..?"
"Yang perle ta peuteupat pue hai kira-kira?"
"Kecaman gob nyan terhadap ureung yang mendoakan keburukan bagi Tengku Mualem wate jih dirawat di Singapura pue maksud jih?"
"Oo nyan ken kecaman..!"
"Kiban ka peugah ken..?"
"Memang ken. Yang khatib maksud nyan hanya contoh sagai."
"Contoh pue..?"
"Kiban persaudaraan sesama Islam khusus jih di kalangan tanyoe Aceh ka maken lipeh!"
"Pue jih yang lipeh?"
"Paken yang ta doakan ketika pemimpen saket justru keburukan? Ken ta lake bak Po semoga glah dari segala penyaket."
"Kok sampe sekhusus nyan? Berarti beliau na hubungan tertentu ngen Tengku Manah tanyoe sehingga masalah doa pih dijadikan materi khutbah."
"Nyan ka salah menyimpulkan Cut Lem. Materi yang khatib sampaikan di mimbar bunoe tentang kewajiban mendoakan kebaikan sesama Muslem yang uroe nyoe hana le dianggap penteng."
"Troos..?"
"Contoh jih derita umat Islam di Palestina. Karab mandum nanggroe Arab jangankan membant dikirem doa pih golom tentee na."
"Hubungan ngen Gubernur Aceh pue?"“Contoh laen jih terjadi di Aceh. Wate Pak Gub saket ken didoakan kesembuban melaenkan disyukuri. Meunan yang lon tuan simpulkan..!”
🙏Heri Iskandar
🔥 5 Artikel Terbanyak Dibaca Minggu Ini
Gemerlap Aceh, Menelusuri Emperom dan Menyibak Goheng
18 Jun 2025 • 355x dibaca (7 hari)
Membuka Tabir Sejarah Kenegerian Manggeng dan Para Raja yang Pernah Berkuasa
27 Mar 2026 • 353x dibaca (7 hari)
Batu Gajah Hilang di Bate Iliek
23 Mar 2026 • 319x dibaca (7 hari)
Aceh Hijau atau Aceh Gundul?
12 Mar 2026 • 268x dibaca (7 hari)
Memutus Rantai Kemiskinan, Melawan Kufur Etika
20 Mar 2026 • 212x dibaca (7 hari)
📝
Tanggung Jawab Konten
Seluruh isi dan opini dalam artikel ini merupakan tanggung jawab penulis.
Redaksi bertugas menyunting tulisan tanpa mengubah subtansi dan maksud yang ingin disampaikan.
