Oleh Heri Iskandar
Jambo Politek Aneuk Nanggroe
–‐————‐————————————
Kamis, 24/4/2025 (Edisi 2165)
"Menurot kah pue na hubungan antara Faisal Amaco ngen Walikota Langsa Patok?"
"Hana kecuali ngen Wakil. Awak nyan manteng sedarah. Haikal nyan aneuk kak Tangku Faisal. Sementara Walikota jih Jefri Sentana, aneuk Toke Leman Sira. Awak nyan laen RAS. Paken?"
"Ken nyan yang ku maksud!"
"Masalah pue cit?"
"Hana dilantik-lantik Walikota Langsa le Gubernur Manah tanyoe na hubungan ngen penahanan H. Faisal Amsco oleh Polda Metro Jaya han?"
"Ya hanalah. Memang pue kaitan jih?"
"Karna hana soe lobbi ideh di Pusat maka jih Walikota ngen Wakil Walikota terpileh ka lage pepatah Minang kondisi jih uroe nyoe."
"Pepatah pue nyan..?"
"Cinto di awak kawin di urang!"
"Ha ha ha. Kiban cara ta boh makna pepatah nyan Cut Lem?"
"Awak nyan yang peu teubit pangkai hingga terpileh tapi Pj Walikota yang pajoh mangat karna hana teubit-teubit dari Pendopo."
"Oo..!"
"Ka bayangkan kiban saket! Jefri Sentana yang poe hak tapi Pak Pj dan Sekda yang kendalikan anggaran proyek. Abeh dilantik singeh yang tersisa cuma kasus. Sedang fi proyek kabeh gob cok."
"Dari segi nyan na beutei cit. Tapi hubungan ngen perbuatan pidana yang dilakukan oleh paman Pak Wakil Walikota sama sekali hana hubungan ngen Pemko."
"Paken cit Gubernur Aceh han ditem lantik aneuk gob? Sedang untuk kepentingan jih han jan beungeh langsong bereh."
"Maksud Cut Lem kiban nyan?'
"Jatah kursi PAW Cek Mad tanyoe untuk DPRA ditem reupah untuk nyonya jih. Sedang aneuk agam Toke Leman Sira lage sengaja diade'e ka padum buleun hana jelas nasip."
"Tapi yang lon deunge haba ken lage nyan Cut Lem."
"Atawa karna calon Walikota Langsa dari PA talo di Pilkada maka jih calon terpileh sengaja han dilantik?"
"Lon kira hana hak dan hana kuasa Pak Gub tanyoe melawan undang-undang. Tinggai preh wate sagai!"
"Tapi pajan? Masak aspirasi rakyat sengaja dibekukan lage nyan cara..?"
"Gob peungah-peugah tinggai preh sidang Paripurna DPRD Langsa ile. Kiban cara dilantik sementara awak nyan hana pree karu."
"Karu paken?"
"Na Partai yang hana iklas dikalahkan le sepasang aneuk muda Kota Langsa."“Berarti beutei lage haba gob peugah, awak nyanlah yang sengaja menciptakan suasana gaduh supaya na alasan tertunda pelantikan aneuk gob..!”
🙏Heri Iskandar
