Geurika uléh Hasbi Yusuf
Seulaku ureueng Acèh ulôn tuan that seudéh deungön le that ka gadöh narit awai basa Acèh. Narit-narit nyoe ka jareung tangui ‘akibat barang jih atawa peukateuen jih ka jareung that ureueng ngui, miseue lagèe: langai, yôk, creueh, sudép, tayeuen, reungkan, rampagoe, grép, dsb.
Meutapi meunurôt ulôn tuan leubèh seudéh lom deungön basa nyang barô teuka ‘akibat “perkembangan teknologi & informasi”. Basa nyoe trôh jih lagèe ie raya atawa ie beuna teuka, h’ana soe mampu/ hana soe keujeuet theun. miseue:
fotokopi, komputer, HP, posting, download, share, inbox, WA, dsb.
Mandum naritnyan gohlom na “padanan” atawa geulantoe lam basa Acèh. Padahai makén siuroe makén le laju meutamah jeunéh ngön jumulah jih.
Meunyö peukaranyoe h’ana soe peuduli/ hana soe piké, maka ulôn yakin 10 thôn ukeue banmandum geutanyoe tangui basa meusén (basa komputer) sagai. Basa laén utama that basa Acèh akan tinggai nan sagai treuk. seud
Ubé na narit ka-abéh meugintön, meusupét, mupirét ngön basa meusén ngön basa komputer.
Meunyö dari ureung droe neuh na ‘éleumèe nyang luah dalam bhaih basa, leubèh-leubèh lom bagi droeneuh nyang neujak kuliah bak jurusan bahasa, atawa dosen bahasa, neutulông siat wahai syèedara mandum neupeugöt kamus “basa Acèh – Basa Komputer” si-at mangat bèk gadöh meureuwah bangsa geutanyoe ngön bah mangat mandum ureueng geumeurunoe basa droeteuh.
Meunyö mandum narit dalam saboh-saboh basa ka ta peutamöng dalam kamuih, insya Allah h’an lé bagah punah.
Keu ngön-ngön bandum nyang na ‘éleumèe, neutulông peubeutôi siat tulésan ulôn tuan mangat bèk ancô basa geutanyoe.