Teunuléh: Hasbi Yusuf
Seujak jameun keureu’én sampoe ‘an jinoe aneuk murit kayém geubri tugaih (PR) lé gurèe bak sikula, leubèh-leubèh watèe masa meureunoe seucara “daring”.
Na saboh-saboh peulajaran, seulaén kayém that geujôk PR, pih leupah lé tugaih nyang geujôk keu aneuk murit. Lë cit aneuk murit nyang sôsah kön lé, wab h’ana jitu’oh peugöt tugaih PR, seubab meubacut pih peulajaran gohlom muphôm.
Seulaén aneuk murit nyang sôsah, leubèh lom sôsah pihak ureueng chik murit watèe aneuk jiklik dilakèe tulông peureunoe peu seuleusoe tugaih nyan. Kadang lé cit ureueng chik nyang h’ana meuphôm/ h’ana geuteu’oh meubacut pih peylajarannyan.
Dalam keubak-keubôk lagèe nyan, kayém jeuet keu bungông karu antara aneuk deungön ureueng chik.
Bah pih lagèenyan, na cit gurèe nyang jareueng that geubri tugaih keu aneuk murit geuh (alèh pakön) ?
Nyang peureulèe ulôn teumanyöng bacut, nakeuh padum-padum boh hai lagèe di miyup nyoe :
Nyang keu-phôn, Peue keuh pihak gurèe meurumpök paréksa sabé seucara lisék & peue keuh meuteumeu bri saran keu tiep aneuk murit geuh bak mandum keureutaih jeunaweueb ?
Keu-dua, Peue keuh rayëk that peungarôh dari PR nyan keumeu peucaröng bandum aneuk murit ??
Keu-lhèe, Kira-kira padum persen (%) murit nyang geupeubuet keudroe atawa meuseuraya sabé ngön-ngön awaknyan (bèk cuma geu “fotokopi” atawa geusalén sagai) atra aneuk murit nyang caröng ???
Keu-peuet, Meunyö hasé jih beutôi mandum, peue keuh awak droe neuh nyakin nyang bahwa nyan nakeuh hasé keureuja muritnyan keudroe, atawa beutôi-beutôi awaknyan ka abéh meuphôm peulajaran nyan ????
Keu-limöng, Peue keuh sampoe ‘an jinoe gohlom na laén cara bri tugaih nyang leubèh jroh ngön leubèh meusaneut lom keu geulantoe cara ka jemeun keureu’eunnyan (ka cukôp useueng) ?????
Keu-nam, Tulông neubri peundapat pakriban na pikéran dari awak droe neuh supaya aneuk miet sikula beu jitém meurenoe bak jeumot, sampoe beulé nyang caröng, deungön harapan beumudah mandum pihak.
Bèk karap mandum awaknyan gadôh abéh watèe h’ana jeulaih sagai (buet tan, meurunoe pih h’an jan).
