Oleh Heri Iskandar
Jambo Politek Aneuk Nanggroe
–‐————‐————————————
Senin, O8/9/2025 (Edisi 2295)
"Bereh that Ustad tanyoe Patok, hana le harga di mata umat!"
"Yang Cut Lem maksud Ustad Farid ken?"
"Memang jih Tengku Farid pue na masalah..?"
"Dinak demo le warga!"
"Paken..?"
"Dana bantuan rehab Menasah hana jelas pertanggong jawab jih!"
"Kok hana gadeh-gadeh penyaket nyan..?"
"Yang menyolok rehab rumoh gob nyan tetap jalan sedang rehab Menasah stop karna krisis dana."
"Tapi ken beliau nyan yang ku maksud!"
"Soe cit..?"
"Ustad Yusop Mansor ideh di Betawi! Kaci kalen bak Medsos kiban komen ureung hana yang positif."
"Tentang open donasi nyeh? Na lon baca selintas. Sayang gadeh marwah ulama gara-gara beliau nyan sidroe."
"Pue beutei le that peng jamaah yang beliau gelapkan maka jih hana hormat le umat keu sidroe Tengku?"
"Nyan han jeut ta peugah beutei atau salah karna hana data kongkrit bak tanyoe."
"Kiban cit..?"
"Yang pasti urusan ngen peng bek anggap remehlah. Jangankan tanyoe rakyat jelata, adak pih ulama sereng berkasus cit gara-gara rupiah. Ustad Yusop Mansor dan Tengku Farid contoh jih!"
"Paken cit Tengku-Tengku sabe peugah dosa meunye tanyoe hana amanah? Bukti jih na Tengku yang hana amanah cit?"
"Nyan untuk ureung laen Cut Lem, ken bagi yang peugah!"
"Mungken han Ustad Mansor menjadi korban bulian Netizen?"
"Korban kiban..?"
"Prasangka umat terlalu berlebihan terhadap gob nyan sehingga dicap sebagai Tengku tukang olah."
"Menurot lon tuan mustahel na asap tanpa apui. Nyan manteng pegangan jih."
"Hana elok sagai publik memboikot penggalangan donasi dari khalayak untuk keluarga korban kekejaman Brimob yang beliau gagas."
"Memang hana pantas sidroe Tengku ikot tampong peng gob!"
"Hana pantas peken..?"
"Masak donasi untuk keluarga almarhim Affan Kurniawan haros dikirem ke rekening gob nyan?"
"Mungken penggalangan donasi yang Pak Yusop lakukan khusus di kalangan pengajian beliau sagai!"
"Yang diperaoalkan paken haros kirem keu rekening Pasantren gob nyan? Yang awasi teubit tamong peng soe?"
"Nyee cit..!"
"Pokok jih meunye tanyoe ka dicap sulet le umat maka adak pih beutei yang ta perbuat tetap dianggap modus."
"Sayang cit sidroe Tengku terhina lage nyan. Menurot kah di Aceh na lage nyan cit han?"
"Jawaban nyan na bak Kepala Biro Dayah dan Mesjid di Kantoe Gubernur atau Bupati lon pike."
"Paken meunan..?"
"Awak nyan yang tepue percis Tengku soe manteng yang rutin mengirem proposal bodong lake bantuan bak pemerintah."
"Bodong kiban..?"“Murid siploh peugah lhe reutoh. Untuk rehab reumoh peugah membangun tempat wuduk. Pokok jih lage-lage nyanlah..!”
🙏Heri Iskandar