Oleh Heri Iskandar
Jambo Politek Aneuk Nanggroe
–‐————‐————————————
Sabtu, 28/6/2025 (Edisi 2227)
"Pue beutei RUUPA akan direvisi le DPR Senayan? Na ka deunge info han?"
"Golom!"
"Oo nyan hana beutei kah..!"
"Hana beutei paken?"
"Masak berita sepenteng nyan ka lewatkan?"
"Bah diuroh oleh yang berhak manteng. Moga-moga na nikmat yang dirasa le rakyat Aceh."
"Tanyoe ken rakyat cit!"
"Maka jih ta meudoa yang na untong bagi rakyat."
"Setidak jih kana kepastian pajan Bendera Aceh berkibar!"
"Bagi lon pribadi hana penteng nyan Cut Lem!"
"Kok ka peugah hana penteng?"
"Memang hana!"
"O bit gawat kah!"
"Boh ka, bagi Cut Lem pue penteng jih coba?"
"Minimal hasel ta gulam-gulam Bude uroe jeh ka nyata hasel jih!"
"Peng kuliah aneuh dara Cut Lem gratis han?"
"Pane Bui. Malah diek tiep thon!"
"Minyeuk Kereta gratis han?"
"Nyan leubeh parah lom. Bahkan wajeb pakek Barkot."
"Troos Pupok bagi kamoe Petani payah bloe han?"
"Wajeb. Kadang yang jatah subsidi dikomersilkan."
"Yang membuat Cut Lem grob-grob bahwa Bendera Aceh penteng that bagi rakyat pue cit?"
"Karna elit jih hana pre uroe diratoh masalah nyan!"
"Bagi awak nyan beutei penteng. Wajar disilak-silak ija pinggang wate berorasi di gampong-gampong atau lam warong kupi!"
"Awak nyan yang ka maksud soe nyan?"
"Mentroe Malek supaya bek digugat le rakyat Aceh karna cuma bersenang-senang lam Istana."
"Oo troos..?"
"Gubernur dan Anggota DPRA supaya singeh dipeleh lom wate Pemilu atau Pilkada. Sedang bagi rakyat hana leubeh dari janji dan janji."
"Ditamong akai cit yang kah peugah nyan!"
"Tapi bek salah cit bahwa nyan pendapat pribadi lon tuan sagai Cut Lem!"
"Yang perle ta gares bawahi pue kira-kira?"
"Cintailah Aceh sebagai tanoh waresan endatu. Tanpa Bendera sekali pun tanyoe pernah iklas ta korban nyawong demi Aceh."
"Beutei that!"“Ta buktikan bahwa tanyoe leubeh tulos mencintai Aceh dari pada geuleupak pisang jeh yang sibok berpolitek bendera..!”
🙏Heri Iskandar
