Oleh Heri Iskandar
Jambo Politek Aneuk Nanggroe
–‐————‐————————————
Selasa, 15/4/2025 (Edisi 2156)
"Nampak jih calon investor yang akan membuka usaha di Aceh golom na yang pasti Patok!"
"Info dari pane nyan?"
"Pak Gub Zakir tanyoe yang peugah. Na vidio jih di Medsos."
"Kiban komen beliau?"
"Hana salah lage yang kuduga!"
"Duga pue..?"
"Kah pasti tertarek ngen berita nyan!"
"Soal jih sayang meunye gagal karna seisi nanggroe ka meupreh-preh akan teudeng aneka pabrek inoe di Aceh."
"Kepentingan kah pue? Lake mat sub proyek?"
"Keahlian lon tuan cuma tukang mat Cangkoi pula Campli Cut Lem. Hana ambisi hoe laen."
"Yang kah peugah teungeh meupreh-preh soe cit?"
"Rakyat Aceh khusus jih lulusan kampus yang abeh diwisuda malah menjadi pengangguran. Rata-rata sarjana Aceh hana mampu bersaeng di luwa."
"Nyan hana salah sagai!"
"Harapan satu-satu jih tinggai bak Pak Gubernur. Berkakali-kali Pilkada dan gantoe pemimpen tapi hana yang lage dijanjikan. Yang rame malah aneuk muda terjerat Narkoba karna hanya ata nyan yang gencar dikirem u Aceh."
"Troos maksud Tengku Mualem peugah golom na investor yang pasti tamong u Aceh pue maksud jih?"
"Meunye sepintas ta deunge nyan lage bahasa keprihatinan sang!"
"Bahasa keprihatinan kiban?"
"Lage ka kewalahan ngen beban yang menumpok!"
"Paken meunan?"
"Mungken terbatas yang memberi dukungan sehingga terkendala tiep lungkiek. Yang rame malah tukang lake jatah sehingga hana pre kreh kroh tiep sagoe!"
"Pue ken gara-gara gampang that diatoe le ureung laen maka jih hana fokus kerja?"
"Selama yang diatoe nyan sesuai gares kebijakan lon pike wajar-wajar manteng. Yang tanyoe khawater rame tukang rong-rong ngen tukang seumike."
"Berarti Pabrek Bhan Moto di Aceh blah barat golom pasti dibangunlah!"
"Bukti jih golom na progres sapue!"
"Kiban cit ka leupah janji?"
"Lon pike manteng na wate. Meunye memang mentok cit insya Allah preh manteng singeh di priode kedua."
"Preh pue? Janji-janji kampanye..?"“Terserahlah. Minimal rakyat na pue preh..!”
🙏Heri Iskandar
