Jambo Politek Aneuk Nanggroe
Selasa, 11/3/2024 (Edisi 2125)
“Golkar Aceh paken ka karu lom Patok?”
“Pene na! Soe peugah..?”
“Kudeunge na upaya nak gantoe Ampon Nurlif tanyoe dari Ketua Golkar Aceh.”
“O nyan berita usang Cut Lem. Ka sereng muncol bak media!”
“Bak kah mandum ka anggap basi! Padahai teungeh hangat that di luwa.”
“Mungken dinak ulang teuma karna hajat jih golom terlaksana. Yang pasti nyan haba ka trep.”
“Yang kah baca pue dituleh. .?”
“Edy Maros mendesak supaya T. Nurlif dicopot dari Ketua DPD Partai Golkar Aceh.”
“Si Maros nyan soe?”
“Menurot wartawan peugah Apa nyan pengurus Golkar Kota Langsa. Info jih Tengku Maros pemuja klan Ilham Pangestu dan Abang jih si Faisal BNI.”
“O ka beuteilah. Isu yang beredar memang masalah nyan. Bahkan Ketua Umum Bapera pih ikot memboikot klan Faisal bek coba-coba intervensi di Bapera.”
“Meunye berita tentang kecaman Ketua Umum Bapera terhadap klan Faisal beutei, memang teungeh viral di Aceh.”
“Menurot kah salah Ampon Nurlif pue? Paken didesak mundor?”
“Tanyoe ureung gampong Cut Lem, hana kapasitas membahas urusan politik gob!”
“Meunye lage nyan kubalek pertanyaan jih, sosok Ampon Nurlif yang kah copy-copy kiban?”
“Dibandeng Ketua Golkar Aceh yang sebelom jih jaoh leubeh unggol.”
“Unggol kiban..?”
“Beliau ureung pertama yang berhasel mengirem lhe droe Caleg Golkar keudeh u Senayan sejak dua ploh thon terakher.”
“Diyue gantoe paken cit? Masak ureung berprestasi dinak singkirkan?”
“Nyan hom. Kepentingan politek gob macam-macam. Demi ambisi na pihak yang siap boh peng mempengaruhi ureung laen supaya niet jih tercapai.”
“Na cit yang peugah Ilham Pangestu berada di balek upaya pendongkelan Ampon Nurlif, beutei ken?”
“Nyan hom!”
“Yakin kah kiban. .?”
“Hana meuphom lon tuan Cut Lem. Tapi sepintas karap sama lage cerita Muhibin pemuda Habib Yaman ideh di Jawa.”
“Kiban nyan..?”
“Karna terprovokasi ngen cerita halu ureung-ureung yang mengaku cuco Nabi Muhammad, rame pribumi yang berpaleng dari ulama lokal..!”
🙏Heri Iskandar
🔥 5 Artikel Terbanyak Dibaca Minggu Ini
Discussion about this post