Dengarkan Artikel
Oleh Tgk. Samuti Sp. Mesra.
Assalamu’alaikum Rakan lontuan
Saleum sireugam yang ulon peutroh
Keu Rakan pensiun lon kirem peusan
Tanyoe hai Rakan cit ka ta piyoh
Ka trok bak wate 60 thon timang
Cit ka lage nyan aturan ji boh
Meugantoe laen yang leubeh reumbang
Yang mantong garang yang teuga tuboh
Geutanyoe ka trok bak ujong jalan
Ka trok hai rakan tempat peuniyoh
Beuthat baroekon rayek jabatan
Peulheuh ju rijang wahe Rakan beh
Meunyo baroekon yoh na jabatan
Dum na bawahan tiep uroe ta droh
Jinoe hai rakan jak bak awak nyan
Meu’ah bawahan yang tanyoe butoh
Nyo tanyoe ubeut hana jabatan
Hana masalah sagai wate ta piyoh
Ngon rakan2 sagai ta jabat tangan
Teuma ‘oh lheuh nyan ka jeut cok bungkoh
……..
Ta woe u gampong pat tanyoe tinggai
Karena kerjaan yoh nyan ka putoh
Lam masyarakat tanyoe hai rakan
Meunyo di sinan h’an meujan putoh
Siumu udep tanyoe di sinan
Sampoe hai rakan tanyoe geubungkoh
Sampoe ‘oh ta woe keudeh bak Tuhan
Nyan keuh wate nyan meubaro putoh
Seugohlom ta woe ingat hai rakan
Pubuet amalan beu sunggoh-sunggoh
Tanyoe ka tuha kon lage yoh nyan
Do’a bak Tuhan rakan bek sagai putoh
Shalat geutanyoe bek sagai tinggai
Sunat ‘oh lheuh nyan wahe rakan beh
U meuseujid laju ‘oh deungo azan
Geutanyoe agam meunan geusuroh
Meunyo yang inong hana peu meunan
Di rumoh sagai shalat beusunggoh
Wate lheuh shalat bek beudoh rijang
Bak Allah yoh nyan do’a rakan beh
Ta lake ampon bena salahan
Kadang saboh jan dum ho roh ta bloh
Yoh wate muda kon ka neutuban
Geutanyoe rakan bandum le gadoh
*Bersambung……*
Drs. Basri Usman alias *Tgk. Samuti Sp. Mesra, Lahir di desa Samuti Krueng, Kec. Gandapura,Kab. Bireuen ( dulu Aceh Utara ), 8 Maret 1958. Pendidikan ditempuh dari MIN Samuti, MTsN sampai kelas 2 lalu pindah ke kelas 3 SMP Gandapura, tahun 1975 masuk ke SPG Bireuen, Januari 1978 melanjutkan pendidikan ke Unsyiah Darussalam jurusan Bahasa dan Sastra Indonesia. Selesai pendidikan, tahun 1982 diangkat menjadi guru Bahasa Indonesia pada SMKK Neg. Banda Aceh dan tahun 1997 dimutasi ke SMEA Banda Aceh (SMK N 1 sekarang) dan memasuki masa pensiun pada tahun 2018. Alhamdulillah sampai sekarang masih tinggal di Sp. Mesra Banda Aceh.
🔥 5 Artikel Terbanyak Dibaca Minggu Ini
