Keunarang Tgk. Banta Chairullah Al-Yusufi
Piala donya gura hai rakan
Grop-Grop andalan mandum ka talo
Jino klub useung ka mupekeran
Jikalon lawan sep beuheo-beuheo
Phon Arab Saudi ji-ek gurangsang
Messi meutimphan sinan meuhambo
Wate lagenyan hana yum bintang
Ka lage kalang leukang teupuro
Tanging penonton laen lom macam
Bak andal bintang ka tahe-tahe
Ladom kabingong dan mu pekeran
Sebab hai rakan kantong ka keundo
Meunyo portugal na sidro bintang
Nama jih Hai bang mister Ronaldo
Jino katalo ni bak meu’en bhan
Lawan jih hai bang nyan keuh Marokko
Lam permainan biasa rakan
Hanapu bimbang teu tahe-tahe
Keupu ta kalon carong hanaban
Beuthat pih bintang kadang cit loyo
Nyo lagu Tgk banta karang
Nyo judul hai bang bintang ka talo
Juara donya jino ta pulang
Negara Islam nyan keuh Marokko
Nyan meu’en bola biasa rakan
Hanapu bimbang menang ngon talo
Bek sampe karu ngon permainan
Bek sampo lheuhnyan rakan ta hambo
Bek na terjadi judi taruhan
Dausa bak Tuhan ingat tgk e
Bek sampe tanyo kufo keu Tuhan
Beungeh keu rakan wate ka talo
Walaupun karu a o oh malam
Ta nonton boh bhan cuma keu cho-cho
Bek gob yang meu’en tanyo susahan
Kepada Tuhan ta ingat beule
Editor : Hamdani Mulya
🔥 5 Artikel Terbanyak Dibaca Minggu Ini
Discussion about this post